8 ‘d Märs fésta ‘dla dònna
8 ‘d Märs fésta ‘dla dònna
8 ‘d Märs fésta ‘dla dònna
Avgùri a ti, dònna,
parchè at zi mèdra
a tutt il manéri e dapartùtt.
Avgùri a ti dònna,
parchè at contìnov
in-t-la creazjớn
a cantär al regàl ‘dla vìtta
in tut j’àngoj dal mớnd.
Avgùri a ti, dònna,
ch’ at résti un mistér,
fòrsi ànca par ti parsonalmént
e a cualùnncue parsớn’na ch’ l’ ignòra
la tò sacralitè.
Avgùri a ti, dònna,
parchè la tò blèssa
l’é un riflés ‘dla bontè
etèrna dal Sgnớr vivént.
Avgùri a ti, dònna,
ch’at fè fjorìr tùtt
dintớrna a ti,
parchè at-zi la vìtta.
Continua sémpor
a lotär e a sofrìr
par la vìtta.
Prớnta a diféndorla
a tutt i còst.
Enrico Maletti
martedì 4 marzo 2008
